Ég fór einu sinni í atvinnuviðtal þar sem ég var beðinn um að lýsa því við hvað ég starfaði í draumaheiminum og hjá hvernig fyrirtæki.

Það mætti snúa þessu uppá í hvernig landi býrð þú í draumaheiminum og hvernig eru lífskjörin þín.

Í draumaheiminum mínum þá varð hrun eins og gerðist hér, en frekar en að hækka skatta og gjöld á almenning þá brugðust stjórnvöld öðruvísi við. Þau hækkuðu skattleysismörkin upp í 750 þús krónur, þetta skilaði sér þannig að fólkið í landinu gat gert upp skuldirnar sínar og komið sér út úr skuldasúpunni. Vel flestir héldu heimlunum sínum og áttu afgang til að bæta sín lífskjör. Fyrirtækin í landinu uxu þar sem að fólk átti afgang af sínum launum til að endurnýja bílinn sinn, stækka við sig húsnæði eða endurnýja húsnæðið sem að það bjó í, ferðast og njóta þess að vera til. Það fór af stað allsskonar innlend framleiðsla þar sem að ný fyrirtæki með færri 10 manns í vinnu fengu margvíslega skatta afslætti, en stærri fyrirtæki og stóra keðjur greiddu hlutfallslega meira til þjóðfélagsins. Ríkisjóður óx og dafnaði þar sem hagvöxtur var góður, innflutningur og útflutningur var í jafnvægi. Ríkið þurfti ekki að dæla út bótum til fólks þar sem að vel flestir attu nóg fyrir sig og sína. Þetta kom upp á móti þeim skattekjum sem að komu ekki inn frá þeim sem að voru með laun uppað 750 þús. Einnig skiluðu neysluskattar vel í kassann, og fyrirtæki sem stóðu vel skiluðu sínu til baka til þjóðfélagsins.

Þetta er ekki fullkomið frekar en annað en vekur mann til umhugsunar, er ekki til eitthvað betra en það sem að við búum við í dag?

Ennþá er maður að heyra fyrirsagnir eins og "haft er eftir Fjármálaráðherra, ég tel ólíklegt að Bretar og Hollendingar vilji semja aftur".

Auðvitað er ólíklegt að Bretar og Hollendigar vilji semja aftur þar sem að þessi samningur sem að Ríkisstjórnin er að leggja fyrir okkur er mjög góður fyrir Breta og Hollendinga en afleitur fyrir okkur. Það er ekki spurning um það að við þurfum að ganga frá þessu Icesave máli en það þarf að standa rétt að hlutunum.

Ríkistjórnin og Stjórnarandstaðan þurfa að fara að koma því inn í sinn þykka haus að flestum okkar er skítsama um þeirra flokkapólitík eins og staðan er núna. Eina leiðin til að fá einhvern botn í þetta er að fá hlutlausan aðila til að taka að sér að miðla málum. 

SKILABOÐ MÍN TIL RÍKISTJÓRNARINNAR OG STJÓRNARANDSTÖÐU ERU EINFÖLD, SKAMMIST YKKAR OG HÆTTIÐ ÞESSU VÆLI OG SKJÆLI UM HVER SAGÐI ÞETTA OG HVER GERÐI HITT OG VINNIÐI SAMAN AF ÞVÍ AÐ LEYSA ÞETTA ÓÞVERRA MÁL SEM AÐ ÞIÐ KOMUÐ OKKUR Í.

Þegar þið eruð búin að því þá getið farið að haga ykkur eins og óþægir skólakrakkar aftur og farið að kenna hvor öðrum um það sem að þið gerðuð ekki. Síðan í næstu kosningum þá farið þið í sparifötin og vonist til þess að við verðum búin að gleyma hversu illa þið eruð hæf til að takast á við nokkurn skapaðan hlut.